Fréttir

Verið hjartanlega velkomin að fagna útgáfu bókarinnar Ég átti að heita Bjólfur eftir Jón Ársæl Þórðarson í bókabúð Sölku við Hverfisgötu föstudaginn 1. nóvember kl. 17. Bókin verður á sérstöku útgáfutilboði, léttar veitingar á boðstólum og höfundur áritar. 

Margrét Lóa Jónsdóttir hlýtur bókmenntaverðlaun Tómasar Guðmundssonar 2024 fyrir ljóðabókina Pólstjarnan fylgir okkur heim en verðlaunin eru veitt ár hvert í minningu skáldsins Tómasar Guðmundssonar fyrir óprentað handrit að ljóðabók. Í umsögn dómnefndar segir að Pólstjarnan fylgir okkur heim sé magnaður ljóðaseiður um lífið, dauðann, tímann innra með okkur og veraldarundrið vonina. 

Verið hjartanlega velkomin að fagna útgáfu bókarinnar Berlínarbjarmar - Langamma, David Bowie og ég eftir Val Gunnarsson í bókabúð Sölku við Hverfisgötu föstudaginn 18. október kl. 17. Að sama tilefni fögnum við októbermánuði á þýskan máta og bjóðum upp á gullnar veigar og saltar kringlur á meðan birgðir endast en á góðum gleðistundarkjörum þar eftir. Öll hjartanlega velkomin! Bókin verður á sérstöku útgáfutilboði og höfundur áritar. 

Verið hjartanlega velkomin á bókakvöld í bókabúð Sölku við Hverfisgötu fimmtudagskvöldið 17. október kl. 20. Fjölmiðlamaðurinn góðkunni Freyr Eyjólfsson stýrir spjalli við verðlaunahöfundinn Steinunni Sigurðardóttur sem á dögunum gaf út bókina Skálds saga. Bókabarinn verður að sjálfsögðu opinn og öll velkomin! Húsið opnar kl. 19.30. 

Verið hjartanlega velkomin að fagna útgáfu bókarinnar Mamma sandkaka eftir Lóu Hlín Hjálmtýsdóttur í bókabúð Sölku, Hverfisgötu 89-93, sunnudaginn 13. október kl. 14!

Að sjálfsögðu verður boðið upp á sandköku og Sandra Barilli stýrir krakkakarókí! Mamma sandkaka og aðrar bækur Lóu verða að sjálfsögðu á góðum kjörum. Öll hjartanlega velkomin, hlökkum til að sjá ykkur!

Verið hjartanlega velkomin að fagna útgáfu bókarinnar Dauðaþögn eftir Önnu Rún Frímannsdóttur í bókabúð Sölku fimmtudaginn 27. júní kl. 17. Bókin verður á útgáfutilboði og léttar veitingar í boði. Öll hjartanlega velkomin!

Dagana 22.-24. ágúst 2024 fer fram ný og spennandi bókmenntahátíð í Reykjavík og Kópavogi sem ber heitir Queer Situations. Margir spennandi höfundar hafa boðað komu sína á hátíðina og má til dæmis nefna Maggie Nelson, Harry Dogde og Ia Genberg. Hægt er að panta bækur höfundanna í forsölu hér en bókabúð Sölku annast bóksölu á staðnum!

Í tilefni af sumarbókaviku og útgáfu tveggja spennandi bóka blásum við til bókakvölds í bókabúð Sölku miðvikudaginn 5. júní kl. 20. Ingileif Friðriksdóttir og Bjarni Snæbjörnsson koma til okkar og segja frá nýútgefnum bókum sínum, Ljósbrot og Mennska. Húsið opnar kl. 19.30, bókabarinn verður opinn, bækurnar að sjálfsögðu á góðum kjörum og öll hjartanlega velkomin!

Verið hjartanlega velkomin í tvöfalt útgáfuboð og afmælisveislu Ingileifar Friðriksdóttur og Maríu Rutar Kristinsdóttur í bókabúð Sölku, Hverfisgötu, laugardaginn 18. maí kl. 16. Boðið verður upp á léttar veitingar, tónlist, blöðrudýr og gleðin mun svífa yfir vötnum! Auður Ýr sýnir fallegar myndir úr Úlf og Ylfu í gallerí Dýflissu á neðri hæð Sölku

FORSALA FORSALA!

í tilefni af komu Ed Winters (Earthling Ed) til Íslands haustið 2024 býður bókabúð Sölku upp á forsölu á tveimur bókum hans; How to Argue with a Meat Eater (and Win Every Time) og This is Vegan Propaganda (and Other Lies the Meat Industry Tells You). Forsölunni lýkur 30. júní og áætlað er að bækurnar verði afhentar um miðjan ágúst. 

Ath. upphaflega stóð til að Ed Winters kæmi til landsins í lok maí en vegna óviðráðanlegra aðstæðna þurfti hann að fresta heimsókninni. Þeir sem þegar hafa pantað eintök fá þau afhent snemmsumars.